Xaçmazda beynəlxalq ekspertin iştirakı ilə müasir bağçılıq üzrə sahə görüşü keçirilib
2026-11-19 17:24:00
Kənd Təsərrüfatı Nazirliyi yanında Aqrar Xidmətlər Agentliyinin Aqrar Təlim Mərkəzi tərəfindən Quba və Xaçmaz rayonlarında təşkil olunan “Müasir bağçılıq sistemləri: seleksiya, calaqaltı-sort kombinasiyaları və sertifikatlı ting istehsalı” mövzusunda maarifləndirici tədbir çərçıvəsində Meyvəçilik və Çayçılıq Elmi Tədqiqat İnstitutunun təcrübə sahəsində sahə görüşü keçirilib.
Görüşün əsas məqsədi müasir meyvəçilikdə məhsuldarlığa və bağların uzunömürlülüyünə təsir göstərən aqrotexniki üsullar barədə fermer və mütəxəssislərin məlumatlılığını artırmaq, elmi biliklərin praktiki təcrübə ilə əlaqələndirilməsinə şərait yaratmaq olub.
Aqrar Təlim Mərkəzinin direktoru Rəşad Mehdizadə bildirib ki, Mərkəz tərəfindən təşkil olunan təlimlər, maarifləndirici tədbirlər və praktiki sahə görüşləri regionların kənd təsərrüfatı üzrə ixtisaslaşması, mövcud istehsal potensialı və fermerlərin ehtiyacları nəzərə alınmaqla həyata keçirilir. O qeyd edib ki, “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”nda tingçilik sahəsinin inkişafı, müasir texnologiyaların tətbiqi, aqrar bilik və bacarıqların artırılması əsas prioritetlərdən biri kimi müəyyən edilib.
Sahə görüşündə beynəlxalq ekspert Serkan Şimşek meyvə ağaclarında calaqetmə üsulları, calaqaltı və sort uyğunluğunun düzgün müəyyənləşdirilməsi, müxtəlif calaqaltı-sort kombinasiyalarının üstünlükləri və onların yerli torpaq-iqlim şəraitinə uyğun seçilməsi, eləcə də praktikada tətbiqi barədə ətraflı məlumat verib. Həmçinin sertifikatlı meyvə tinglərinin istehsal mərhələləri, ting materialının keyfiyyətinə nəzarət, istehsal prosesində beynəlxalq standartların tələblərinin nəzərə alınması, tinglərin düzgün seçilməsi və qiymətləndirilməsi məsələlərinə toxunub. İştirakçılara sağlam və standartlara uyğun əkin materialının əldə edilməsi, istehsal zamanı keyfiyyət göstəricilərinin qorunması ilə bağlı praktiki biliklər təqdim olunub, müasir tingçilik təcrübəsinin bağların məhsuldarlığına, davamlılığına və uzunömürlülüyünə təsiri diqqətə çatdırılıb.
Qeyd edək ki, Aqrar Təlim Mərkəzi tərəfindən respublikanın müxtəlif bölgələrində regionların ehtiyacları nəzərə alınmaqla, aparılan sorğuların nəticələrinə əsasən aqrar sahənin müxtəlif istiqamətləri üzrə maarifləndirici tədbirlər təşkil olunur.
Xəbərlər
Lənkəranda beynəlxalq təcrübəyə əsaslanan təlim proqramına start verilib
“Azərsun Holdinq”lə Aqrar Xidmətlər Agentliyi sosial layihə reallaşdırdı
Kənd təsərrüfatı naziri Məcnun Məmmədov Oğuzda vətəndaşları qəbul edəcək
Torpaqların icarəsi ilə bağlı müraciət etmiş şəxslərə təlimlər keçirilib
Bölgələrdə çəyirtkələrin küpəciklərinin yaz müşahidələri davam etdirilir
Naxçıvan MR-nın rayon və kəndlərində fermerlərə səyyar xidmət göstərilir
Bölgələrdə heyvanların identifikasiyası ilə bağlı müşavirələr davam edir
Quba rayonunda heyvanların identifikasiyası ilə bağlı müşavirə keçirilib
Nazir Məcnun Məmmədovun Zaqatalada vətəndaş qəbulunun vaxtı dəyişdirilib
Aqrar Xidmətlər Agentliyinin əməkdaşları beynəlxalq forumda iştirak edib
Avropa İttifaqı nəşrində “Ağalı ağıllı kənd” haqqında məqalə dərc olunub
QARAMALIN FRANSAİELOZ XƏSTƏLİYİNDƏN QORUNMASINA DAİR FERMERLƏRƏ MƏSLƏHƏT
Quba rayonunda epizootiya əleyhinə profilaktik tədbirlər davam etdirilir
Qoyun və keçilərin nayrobi xəstəliyindən qorunması – Fermerlərə məsləhət
Aqrar Xidmətlər Agentliyi Həmkarlar İttifaqı Komitəsi müsabiqə elan edib
Çəyirtkəkimilərə qarşı mübarizə tədbirlərinə hazırlıqlar davam etdirilir
Oğuz rayonunda heyvanlar arasında profilaktiki tədbirlər davam etdirilir
Toxum və ting istehsalçılarına subsidiyanın verilməsi prosesi yekunlaşıb
Xaçmazda cari ilin epizootiya əleyhinə profilaktik tədbirləri yekunlaşır