Elanlar

Açıq tenderdə iddiaçı qismində satınalmanın predmeti üzrə müvafiq təcrübəyə malik mikro, kiçik və orta sahibkarlıq subyektləri iştirak edə bilərlər. Tender iştirakçılarına təklif edilir ki, dövlət satınalmalarının https//www.etender.gov.az/ vahid internet portalına (portal) elektron imzaları vasitəsilə daxil olsunlar və tender haqqında ətraflı məlumatı əldə etsinlər. Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar. Tenderdə iştirak etmək istəyən təşkilatlar müəyyən məbləğdə iştirak haqqını ödədikdən sonra Azərbaycan dilində tərtib olunmuş tenderin əsas şərtlər toplusunu dövlət satınalmalarının vahid internet portalı vasitəsilə əldə edə və müsabiqə üçün təkliflərini təqdim edə bilərlər. Tenderdə iştirak haqqı 2 000 manatdır. İştirak haqqı heç bir halda geri qaytarılmır. İştirak haqqının ödənilməsi yalnız Asan Ödəniş vasitəsilə həyata keçirilə bilər. Müsabiqədə iştirak üçün “Asan Ödəniş et” düyməsini sıxaraq aidiyyatı keçid vasitəsilə ödənişi etdikdən sonra müsabiqədə iştirak etmək olar. Aqrar Xidmətlər Agentliyi qarşısında yerinə yetirilməmiş və ya lazımi səviyyədə yerinə yetirilməmiş öhdəliyi olan fiziki və hüquqi şəxslər bu tenderdə iştirak edə bilməzlər. İddiaçılar tenderdə iştirak hüququnu təsdiqləyən aşağıdakı sənədləri təqdim etməlidirlər: -tenderdə iştirak haqqının ödənilməsi barədə bank sənədi; -iddiaçının tam adı, hüquqi statusu, nizamnaməsi (notarial qaydada təsdiq edilmiş surəti), qeydiyyatdan keçdiyi ölkə və rekvizitləri; -tender təklifi (zərflərin açıldığı tarixdən sonra ən azı 30 bank günü qüvvədə olmalıdır); -tender təklifi dəyərinin 1 faizi həcmində bank təminatı (zərflərin açıldığı tarixdən sonra ən azı 60 bank günü qüvvədə olmalı və bank təminatının qüvvədə olma müddəti tender təklifinin qüvvədə olma müddətindən sonra ən azı 30 bank günü çox olmalıdır); -Azərbaycan Respublikasında vergilərə və digər icbari ödənişlərə aid yerinə yetirilməsi vaxtı keçmiş öhdəliklərinin, habelə son bir il ərzində (fəaliyyətini dayandırdığı müddət nəzərə alınmadan) vergi ödəyicisinin Azərbaycan Respublikası Vergi Məcəlləsi ilə müəyyən edilmiş vəzifələrinin yerinə yetirilməməsi hallarının mövcud olmaması haqqında müvafiq vergi orqanından arayış; -iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti; -iddiaçının son bir ildəki maliyyə vəziyyəti haqqında bank arayışı; -Dövlət Statistika Komitəsindən mikro, kiçik və orta sahibkarlıq subyektlərinə uyğun olması barədə arayış; -müflis elan olunmaması, əmlakı üzərinə həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyəti dayandırılmış şəxs olmaması barədə arayış (arayış 2021-ci ilin aprel və ya may aylarında verilmiş olmalıdır); -satınalma prosedurlarının başlanmasından əvvəlki 5 il ərzində özlərinin, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə arayış (arayış 2021-ci ilin aprel və ya may aylarında verilmiş olmalıdır). İddiaçının müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin və etibarlılığının olmasını müəyyən etmək üçün ixtisas göstəricilərinə aid tələblər aşağıdakılardır: - tenderin predmeti üzrə iş təcrübəsinin olması (təsdiqedici sənədlər təqdim edilməklə); - texniki və maliyyə imkanlarının olması; - bu sahədə peşəkar olması; - bitki mühafizəsi vasitələrini istehsal və ya idxal etdiyi halda müvafiq lisenziyaya malik olması; - pestisidlərin, bioloji preparatların və aqrokimyəvi maddələrin dövlət qeydiyyatı haqqında şəhadətnaməyə malik olması. Malların çatdırılması satınalma müqaviləsi bağlandıqdan sonra 30 iş günü müddətində həyata keçirilir. Sənədlər Azərbaycan dilində tərtib olunmalıdır (xarici dildəki tender sənədləri Azərbaycan dilinə tərcümə edilməlidir) İddiaçılar tenderlə bağlı sualları portal vasitəsilə satınalan təşkilata ünvanlaya bilərlər. Tenderlə əlaqədar istənilən məlumatı əldə etmək üçün aşağıdakı şəxsə müraciət etmək olar. Əlaqələndirici şəxs- Faiq Hüseynəli oğlu Axundov. Ünvan- Bakı şəhəri, Nərimanov rayonu, Nəcəf Nərimanov küçəsi 7 A. Telefonlar-(050) 435-94-45; Faks- (012) 562-85-57 ; E- mail: f.axundov@axa.gov.az Tender proseduru “Dövlət satınalmaları haqqında” Azərbaycan Respublikasının Qanununa uyğun keçiriləcəkdir. İddiaçılar tenderdə iştirak üçün ixtisas göstəricilərinə aid sənədləri 11 may 2021-ci il saat 14.00-a, tender təklifi ilə bank təminatı sənədlərini isə 21 may 2021-ci il saat 18.00-a qədər portal vasitəsilə təqdim etməlidirlər. İddiaçıların təklifləri 24 may 2021-ci il saat 14.00-da açılacaqdır. Təkliflərin açılışı dövlət satınalmalarının vahid internet portalında aparılacaqdır. QEYD-tenderdə iştirak, tenderin qiymətləndirilməsi və digər bütün prosedurlar yalnız elektron qaydada portal vasitəsilə aparılır. Tender komissiyası Elana əlavə - 22.04.2021 Nazirlər Kabinetinin Qərarına əsasən Azərbaycan Respublikasının ərazisində iş və istirahət günlərinin ardıcıllığını təmin etmək məqsədilə 2021-ci ilin 11 may və 12 may iş günləri ilə müvafiq olaraq 8 may və 16 may istirahət günlərinin yerləri dəyişdirilməsi səbəbindən Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi tərəfindən “Xalq qəzeti”nin 20 aprel 2021-ci il tarixli nömrəsində dərc edilmiş “Pestisidlərin” satınalınması məqsədilə Açıq tender üsulunu tətbiq etməklə keçiriləcək elektron satınalmada iştirak etmək üçün ilkin sənədlərin qəbulu 2021-ci ilin mayın 17-nə, tender təkliflərinin son təqdimatı 2021-ci ilin mayın 25-nə keçirilmişdir. Zərflər 2021-ci ilin mayın 26-də açılacaqdır. Qalib bildiriş - 23.07.2021 Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi tərəfindən Pestisidlərin satın alınması üçün 26 may 2021-ci il tarixdə açıq etender üsulunu tətbiq etməklə keçirilmiş satınalınma zamanı "EMA" QSC qalib elan edilmiş və həmin şirkət ilə satınalma müqaviləsi bağlanmışdır.